Magayon an Satuyang Probinsiya

COVER OF JUN BALDE’S BOOK
With Forewords by Gov. Joey Salceda,
Kagawad Glenda Ong Bongao & Tourism Officer Joseph Briones
Book & cover design by Jimple Borlagdan
Mayon picture by Ms. Leticia Catalan
Painting by Giovhanni Buen

Magayon an Satuyang Probinsiya

by Abdon M. Balde Jr.

Kun nata magayon ang satuyang probinsiya:
Bulkan Mayon. Bulawan pagkaaga, berde pagka-udto,
    nagmamaris-maris pagsulnop kan aldaw.
Berdeng palibot. An mga pananom matubang, gabos gari
    ba’gong bu’kad, nagbubuka, nagpapalipot sa mata.
Dagang mataba, dagang gabon. Dawa anong itanom
    minatalubo, marambong an mga .
Mayamang kadagatan. Kaipuhan bugawon muna
    an mga sira para mai-apón an saráp.
Pinangat, gulay na natong, linadaang kurakding, tilmok, sina’sa’ na
puyo, karpang inasal, kurumbot,   dulsing pili. Kun dai
    nagtutubig an ngimot mo, bako kang Bikolano.
Kulturang mapagpadangat,magalang, maminumooton,
mahigos. May aking nagbibisa dawa an gurang nasa itaas ki
    niyog.
Oragon na Bikolano. Maabilidad dawa sa kalamidad.
Maogmang lugar. Diit na pagtiripon, kaugmahan tulos an
   nasa isip.
Musikang Bikolnon. Basta may pagtiripon may makanta,
    dawa gitara sana an nyaon.
Tigsik, Rawitdawit, Osipon. Pighahalian kan
   orgulyo, kan pagkasararo, inspirasyon sa
                  padagos na pag- uswag.